پاکستان کے مایہ ناز کلاسیکل گلوکار شفقت امانت علی خان پچپن برس کے ہوگئے۔ پٹیالہ خاندان سے تعلق رکھنے والو گلوکارنے کھماج، متوا اور تیرے بنا سمیت لاتعداد مشہور گانے ریکارڈ کرائے۔ انہیں صدراتی تمغہ برائے حسن کارکردگی سے بھی نوازا جاچکا ہے۔
شفقت امانت علی خان 26 فروری 1965ء کو پٹیالہ گھرانے کی نویں نسل استاد امانت علی خان کے گھر پیدا ہوئے جو خود کلاسیکل موسیقی کے مانے ہوئے استاد تھے۔
پاکستانی مایہ ناز کلاسیکل گلوکار نے اپنے کیرئیر کا باقاعدہ آغاز راک بینڈ فیوژن کے لیڈ سنگر کی حیثیت سےکیا۔ انہوں نے کھماج، انکھیاں، متوا، یہ حوصلہ، مورا سیاں اور تیرے بنا سمیت لاتعداد ہٹ گانے ریکارڈ کروائے۔
شفقت امانت علی خان نے 2006ء میں فیوژن بینڈ سے علیحدگی اختیار کرنے کے بعد اپنے سولو کیرئیر کا آغاز کیا۔انہوں نے بالی ووڈ فلموں کیلئے بھی گانے ریکارڈ کروائے ہیں جن میں متوا، یہ حوصلہ، شاہ رخ خان کی فلم مائی نیم از خان کا گانا تیرے نینا، بن تیرے، دلدارا، درمیاں، تو ہی میرا اور دیگر شامل ہیں۔
کلاسیکل گلوکار شفقت امانت علی خان اب تک کئی ایوارڈز اپنے نام کرچکے ہیں۔23مارچ 2008ء کو انہیں صدراتی تمغہ برائے حسن کارکردگی سے بھی نوازا جاچکا ہے۔
